A Fundación Amigos de Galicia conta coa Axencia de Colocación con I.D.. 1200000013, autorizada pola Consellería de Traballo e Benestar, da Xunta de Galicia.

O proxecto Inserta ten como finalidade a promoción no mercado de traballo das persoas participantes, mellorando a súa empregabilidade mediante o desenrolo de itinerarios de inserción personalizados que fomentan as súas capacidades e habilidades e están orientados á busca activa de emprego.

Este proxecto está dirixido a persoas en situación de vulnerabilidade dalgún dos concellos da provincia de Ourense que forman parte doutros programas desenvoltos pola entidade.

Un dos principais proxectos que leva a cabo a Fundación Amigos de Galicia é o "Plan Integral de Loita contra a Pobreza e a Exclusión Social", que ten como principal obxectivo a cobertura das necesidades básicas tanto alimenticias como non alimenticias de persoas en situación de risco de exclusión social.

Por este motivo, considérase indispensable un programa que promova a súa inserción no mercado de traballo como solución real e óptima á situación de necesidade que presentan.

Así mesmo, o proxecto non é exclusivo para usuarios/as que participan noutros programas senón que calquera persoa residente na provincia de Ourense pode solicitar orientación laboral.

➡️Que ofrece o programa?

✅Actualiza e activa o teu CV
✅Coñece o teu potencial laboral
✅Formación
✅Recibe ofertas de emprego acordes ao teu perfil profesional
✅Intermediación laboral
✅Atopa o teu emprego